Իրանում ընդհանուր առմամբ 20 մարդ է ձերբակալվել միջուկային ֆիզիկոսների սպանության կազմակերպման եւ դրան մասնակցության ունենալու մեղադրանքով: Այս մասին հունիսի 17 –ին հայտարարել է Իրանի հետախուզության նախարար Հեյդար Մոսլեհին:
Ինչպես տեղեկացնում է «Associated Press»-ը, գերատեսչության ղեկավարի խոսքով, կասկածյալները Իրանից մեկնել են Իսրայել եւ վերադարձել երրորդ երկրների միջոցով: Ավելի վաղ Թեհրանն Ադրբեջանին էր մեղադրել Իսրայելի հետ կապված ահաբեկիչներին թաքցնելու մեջ:
2010թ-ից Իրանում առնվազն հինգ միջուկագետ է սպանվել: