Հունիսի 18-ի առավոտյան հզոր պայթյուն է տեղի ունեցել Պակիստանի հարավ-արեւմուտքի Քվեթա քաղաքում: Տեղական լրատվամիջոցները հայտնում են 3 զոհվածների եւ 35 վիրավորների մասին:
Հեռակառավարմամբ պայթուցիկ սարքը գործի է դրվել ճանապարհին, երբ կողքով անցնելիս է եղել Բելուջիստանյան տեղեկատվական տեխնոլոգիաների համալսարանի ավտոբուսը: Զոհվածները եւ վիրավորների մեծ մասն ուսանողներ են, հայտնում է «ՌԻԱ Նովոստին»:
Պայթյունը նաեւ վնասել է կողքով անցնող մեքենան եւ մոտոցիկլետը, նրանց վարորդները վնասվածքներ են ստացել:
