Հունիսի 18-ին Մոսկվայում սկսվում է ԵՄ արտաքին գերատեսչության բարձրագույն ներկայացուցիչ Քեթրին Էշթոնի հանդիպումն Իրանի Ազգային անվտանգության Գերագույն խորհրդի քարտուղար Սաիդ Ջալիլի հետ` իրանական միջուկային ծրագրի միջազգային միջնորդների «վեցյակի» քաղաքական տնօրենների մասնակցությամբ:
«Կոմերսանտ» հրատարակչությանը դիվանագիտական աղբյուրներից հայտնի են դարձել, այսպես կոչված, իրանական խնդրի զիջումային նախագծի մանրամասները, նրանում կան մի քանի հիմնական կետեր:
Առաջին, Իրանը սահմանափակում է ուրանի հարստացումը Նաթանզայում 20% -ից մինչեւ 3,5% կամ 5%: Երկրորդ, ամբողջովին սառեցնում է հարստացման աշխատանքները «Ֆորդո» ստորերկրյա գործարանում: Դրա փոխարեն նրան թույլ են տալիս արդեն ունեցած հարստացված ուրանից (145 կգ) պատրաստել վառելանյութ`Թեհրանի բժշկակահետազոտական շարժիչի համար` ԱԷՄԳ-ի հսկողության ներքո: Հենց որ Իրանը կատարի նախագծի կետերից մեկը, նրանից կսկսեն հանել պատժամիջոցները:
Ըստ թերթի` մասնակիցների` միասնականություն այդ հարցում չկա: ԱՄՆ-ն ցանկանում է դուրս բերել Իրանից հարստացված ուրանի պաշարներն այլ երկիր: Ռուսաստանը, Չինաստանը եւ Գերմանիան դեմ չեն, որ Իրանն անձամբ արդեն հարստացված ուրանից վառելանյութ պատրաստի` առաջին երկու պայմանների պահպանման դեպքում:
Իրանը պնդում է խաղաղ նպատակներով ուրանի հարստացման իր իրավունքի գրավոր ճանաչման վրա: