Ալյասկայի դժվարամատույց վայրում հարձակում է կատարվել ամերիկյան բանակի զինծառայողների վրա:
Ըստ լրագրողների տվյալների` հրաձգության է ենթարկվել ռազմական հերթապահ մասը, վիրավորվել է երկու զինվոր: Կարճ հրաձգությունից հետո հարձակվողն ինքնասպան է եղել: Պատահարը տեղի է ունեցել հունիսի 17-ի առավոտյան Քոցեբու քաղաքի մոտ, հայտնում է «utro.ru»-ն:
Ըստ ոստիկանության տվյալների` հարձակվող Արվիդ Նելսոն կրտսերը կրակ է բացել հերթապահների վրա, երբ նրանք մոտեցել են նրա մեքենային: Մեկ զինվոր ծանր վիրավորվել է, այժմ նա տեղափոխվել է Անքորիջայի հիվանդանոց: Մյուս զինծառայողն ստացել է թեթեւ վնասվածք:
