Եմենի հարավում տեղի ունեցած ահաբեկչական պայթյունի հետեւանքով բարձրաստիճան զինվորական է զոհվել: Գեներալ Սալեմ Ալի Քաթանը զոհվել է Ադեն քաղաքից ոչ հեռու, մահապարտ ահաբեկչի իրագործած պայթյունի հետեւանքով:
Քաթանը ղեկավարել է «Ալ-Կաիդայի» դեմ գործողությունը, որը Եմենի բանակը վարում է արդեն մեկ ամիս, հաղորդում է «Ազատություն» ռադիոկայանը:
Գործողության հետեւանքով ապստամբները ստիպված են եղել թողնել մի քանի քաղաքներ ու գյուղեր երկրի հյուսիսում:
Գործողության ընթացքում զոհվել են հարյուրավոր մարդիկ, այդ թվում «Ալ-Կաիդայի» գրոհայինները, զինվորականներ, քաղաքացիական անձինք: