Հայաստանի զինվորական ղեկավարության ներկայացուցիչները գործընկերության ծրագրի շրջանակում կայցելեն ԱՄՆ Կանզաս նահանգ, հաղորդում է Associated Press-ը:
Գեներալ-մայոր Իշխան Մաթեւոսյանը եւ գնդապետ Գեւորգ Հակոբյանը հանդիպումներ կունենան Կանզասի ազգային գվարդիայի բարձրաստիճան ղեկվարության հետ, ինչպես նաեւ կհետեւեն Սալինա քաղաքում զորավարժություններին:
Հայ զինվորականները կծանոթանան ազգային գվարդիայի կառուցվածքի եւ որոշ ծրագրերի հետ, այդ թվում` պահուստի սպաների դերին ռազմական իրավիճակում:
Հայաստանի եւ ԱՄՆ Կանզաս նահանգի միջեւ գործընկերության ծրագիրը գործում է 2003թ-ից: