Ֆրանսիայի նախագահ Ֆրանսուա Օլանդն այսօր` հունիսի 18-ին, ընդունել է Ժան-Մարք Էյրոյի կառավարության հրաժարականը եւ առաջարկել նրան նոր կառավարություն ձեւավորել:
Նշենք, որ Ֆրանսիայում հունիսի 17-ին, խորհրդարանական ընտրությունների երկրորդ փուլում Սոցիալիստական կուսակցությունն ստացել է ԱԺ-ի 577 տեղերից 314-ը:
Սպասվում է, որ կառավարության նոր կազմը կհրապարակվի Օլանդի` G20-ի գագաթաժողովից վերադառնալուց հետո, որը տեղի է ունենում Մեքսիկայի Լոս-Կաբոսում: Այստեղից Օլանդը կմեկնի Բրազիլիա` «ՌԻՈ+20»-ի գագաթաժողովին մասնակցելու, որից հետո միայն կվերադառնա Փարիզ:
Ֆրանսիական լրատվամիջոցները համարում են, որ նոր կառավարությունը դժվար թե շատ տարբերվի իր նախորդից, քանի որ վարչապետը եւ նրա 24 նախարարները հաղթել են ընտրություններում: Նախարարների 34 պաշտոններին կավելանան եւս 2-3 պորտֆելներ:
Կառավարություն կարող է մտնել Օլանդի նախկին ընկեր, Կոմկուսի նախկին ղեկավար Ռոբեր Յ.-ն: Բացառված չէ, որ նոր կառավարությունում տեղ ունենա նաեւ Օլանդի նախկին կինը` 4 երեխաների մայր Սեգոլեն Ռուայալը: