«Արծաթե անձրեւ» ռադիոկայանը հունիսի 18-ի երեկոյան հանձնել է «Արծաթե հողաթափեր» մրցանակը, որը շնորհվում է ամենակասկածելի ձեռքբերումների համար:
2012 թվականի դափնեկիրների շարքում են եղել պատրիարք Կիրիլը, ոըր «Արծաթե հողաթափեր» է ստացել «Մինչեւ արմուկները հրաշքների մեջ» անվանակարգում «ժամացույցի սուրբ անհետացման» համար:
ՌԼԴԿ-ի առաջնորդ Վլադիմիր Ժիրինովսկին մրցանակ է ստացել «Քայլ էշով կամ քարոզչության իմիտացիա» անվանակարգում` «ընտրողների հետ դաժան վարվելու համար» ձեւակերպմամբ:
Քաղաքագետ Սերգեյ Կուրղինյանին տվել են «Արծաթե հողաթափեր» «Հիանալի վեցյակը կամ Ապոկալիպսիսի հեծյալները» անվանակարգում:
Համասեռամոլության քարոզչությունը անչափահասների շրջանում օրենքն արգելող Վիտալի Միլոնովն ստացել է «Արծաթե հողաթափեր» «Էհեhեյ, գեյ, խփի'ր» անվանակարգում:
Մրցանակներ են շնորhվել նաեւ «Իզվեստիայի» նախկին գլխավոր խմբագիր Վլադիմիր Մամոնտովին եւ «Ռոսիա» հեռուստաալիքի լրագրող Արկադի Մամոնտովին:
Դափնեկիրների ցուցակում է եղել նաեւ Թոլիբջոն Կուրբոնխոնովը` 2012 թվականի ձմռանը համացանցում հայտնված երգի կատարողը, որը գովերգում էր Վլադիմիր Պուտինին:
2012 թվականին «Արծաթե հողաթափեր» մրցանակը շնորհվել է 16 անգամ: Արարողությունը ուղիղ եթեր էր հեռարձակվել YouTube-ով: Արարողության հաղորդավարներն են եղել Քսենիա Սոբչակը եւ Միխայիլ Շացը:
