Թուրքիայի հարավ-արեւելյան Հաքքարի նահանգի Դաղլըջայի շրջանում տեղակայված թուրքական զորամիավորումների վրա հունիսի 19-ի վաղ առավոտյան PKK-ի զինյալները 3 տարբեր կետերից համաժամանկյա հարձակում են իրականացրել:
Թուրքական Milliyet-ի փոխանցմամբ` հարձակման հետեւանքով սպանվել է 8 թոուրք զինվորական, վիրավորվել` 15-ը:
Թուրքական զինված ուժերին անմիջապես օգնության են հասել շրջակա շրջաններում գտնվող հատուկ նշանակության զորքերը` ռազմական ուղղաթիռների աջակցությամբ: Հիշյալ շրջանում շարունակվում են բախումները:
Դաղլըջայի շրջանում նմանատիպ խոշոր հարձակում տեղի էր ունեցել 2007-ի հոկտեմբերի 21-ին: Այդ ժամանակ սպանվել էր 12 թուրք զինվորական:
Նշենք, որ օրեր առաջ թուրքական հետախուզությունը տվյալներ էր ստացել, որ PKK-ի ղեկավարությունը քուրդ զինյալներին հրահանգել է խոշոր գործողություն իրականացնել թուրքական զինված ուժերի դեմ: