News
Լրահոս
News
Երկուշաբթի
Հունվար 24
USD
482.12
EUR
546.68
RUB
6.3
Տեսնել լրահոսը

2012 թ. Սեւանա լճից բաց կթողնվի աննախադեպ մեծաքանակ ջուր, սակայն դրա հետեւանքով Սեւանա լճի մակարդակը չի նվազի: Այդ մասին այսօր` հունիսի 19-ին լրագրողների հետ հանդիպման ժամանակ հայտարարեց ՀՀ տարածքային կառավարման նախարարության ջրային տնտեսության պետական կոմիտեի բարեփոխումների իրականացման գրասենյակի ղեկավար Ադիբեկ Ղազարյանը: Նրա խոսքով` Սեւանա լիճ ջրի մուտքի եւ ելքի հաշվեկշիռը էական փոփոխություններ չի կրի:

Հիշեցնենք, որ ՀՀ կառավարությունը հանդես է եկել օրենսդրական նախաձեռնությամբ` Սեւանա լճից օրենքով թույլատրված 170 մլն խոր. մետր առավելագույն չափաքանակի փոխարեն բաց թողնել 320 մլն խոր մետր ջուր:

Նշենք, որ Սեւանա լճի մակարդակը վերջին տարիներին բավական արագորեն բարձրանում է: 2001 թ. ընդունված ծրագրով` Սեւանա լճի մակարդակը 10 տարում պետք է բարձրանար 216 սմ, սակայն արդեն բարձրացել է 380 սմ-ով, այսինքն` սահմանված գրաֆիկից առաջ անցնելով 7.5 տարի:

Տարեկան միջին հաշվով Սեւանը բարձրանում է 30 սմ-ով, իսկ վերջին 3 տարում` 42 սմ-ով:

ՀՀ բնապահպանության նախարարությունից NEWS.am-ին փոխանցեցին, որ հունիսի 19-ի դրությամբ Սեւանի մակարդակը կազմում է 1900.48 մ` Միջերկրական ծովի մակարդակի համեմատ: Այս մակարդակը նույնն է, ինչ նախորդ տարվա հունիսին, սակայն 35 սմ-ով գերազանցում է այս տարվա մարտի ցուցանիշը:

!
Այս նյութը հասանելի է նաև   Русский
Տպել
Ֆոտոռեպորտաժներ