Facebook սոցիալական ցանցը դատարանի որոշմամբ 10 միլիոն դոլար կվճարի «անհարիր» գովազդի համար: Տուժածները պնդել են, որպեսզի փողերը փոխանցվեն բարեգործական հիմնադրամներից մեկին:
Սան Խոսե քաղաքի դատարանը (ԱՄՆ) վճռել է, որ սոցիալական ցանցը խախտել է օգտվողների իրավունքները եւ հրապարակել գովազդ, որը նրանք «հավանել են» իրենց ընկերների էջերին: Ընդ որում, օգտվողները հնարավորություն չեն ունեցել ոչ արգելել գովազդի տվյալ հրապարակումը, ոչ էլ ընտրել իրենց այն ընկերներին, որոնց կուզեին երաշխավորել:
Facebook-ին դատի են տվել դեռեւս 2011 թվականի դեկտեմբերին` միանգամից 5 մարդ: Դատավարությունը տեւել է 6 ամիս, եւ միայն մայիսին է համաձայնություն ձեռք բերվել: Սակայն դատական խնդրի լուծման մասին հայտնի է դարձել միայն այս շաբաթ:
Դատարանը կանգնել է տուժածների կողմը, հայտնում է Life News-ը:
«Ախր դա գովազդային բիզնեսի Սուրբ անոթն է», - դատարանում փորձել է բացատրել Ցուկերբերգը:
