Գիտնականները եկել են տխուր եզրակացության, մարդիկ վտանգում են իրենց առողջությունն` ակտիվորեն օգտագործելով սմարթֆոնները, պլանշետներն ու նոթբուքերը ոչ աշխատանքային ժամերին:
Ֆիզիոթերապիայի Թագավորական միության մասնագետները, ովքեր զբաղվում էին այդ հարցի ուսումնասիրմամբ, դժգոհ են, որ մարդիկ դարձել են «գաջեթների ստրուկներ», եւ հաճախ աշխատում են` գտնվելով ճանապարհին: Նվազագույնը դա կարող է հանգեցնել մեջքի եւ պարանոցի ցավերի:
Օնլայն-հարցումը ցույց է տվել, որ հարցվածների գրեթե երկու/երրորդը շարունակում են աշխատել ոչ աշխատանքային ժամերին, ինչն ավելացնում է աշխատանքային օրը միջինը երկու ժամով:
Բջջային հեռախոս օգտագործող մարդիկ հաճախ դառնում են սթրեսների, քնի խանգարումների եւ գերհոգնածության զոհեր: Բրիտանական արհմիությունները խորհուրդ են տվել «սովորել անջատել բջջայինը»:
