Ճապոնիայի արեւմտյան ափերին մոլեգնող «Գուչոլ» թայֆունից շուրջ 20 մարդ է վիրավորվել: Տեղի լրատվամիջոցների փոխանցմամբ, մեկ մարդ զոհվել է:
Օսակա քաղաքում տուժել է 7 մարդ, Կիոտոյում` եւս 2-ը:
Պարտադիր տարհանման հրահանգ է ստացել շուրջ 5 հազար մարդ: Շուրջ 500 հազար մարդ տարհանման նախապատրաստվելու գրություն է ստացել:
Սիձուոկա քաղաքում134 հազար շենքեր վնասվել են:
Ներկայումս «Գուչոլ» թայֆունը գտնվում է Հոնսյու կղզու կենտրոնական շրջանների ափերին: Թայֆունի կենտրոնում ճնշումը հասնում է 970 հեկտոպասկալի, իսկ քամու ուժգնությունը հասնում է 180 կմ/ժամի:
«Գուչոլը» շարժվում է 55 կմ/ժամ արագությամբ դեպի երկրի հյուսիս-արեւելք:
Սպասվում է, որ թայֆունի հիմնական հարվածը կլինի հունիսի 20-ի առավոտյան` Կանտոյի շրջանում, որտեղ գտնվում է երկրի մայրաքաղաքը:
