Իսպանացի նկարիչ Խուան Միրոյի «Գեղանկարչություն (Երկնագույն աստղը)» կտավը Լոնդոնի Sotheby`s աճուրդում վաճառվել է 23,6 միլիոն ֆունտով (36,9 միլիոն դոլար):
Դա այդ հեղինակի ստեղծագործությունների համար ռեկորդային էր: Նրա աշխատանքների համար ռեկորդը նախկինում եղել էր 16,8 միլիոն ֆունտը:
«Երկնագույն աստղը» նկարվել է 1927 թվականին:
Թանկարժեք երկրորդ լոտը Պաբլո Պիկասոյի «Նստածը» կտավն էր: Դրա համար 6,2 միլիոն ֆունտ են վճարել, ինչը հազիվ է գերազանցել նախնական գնահատականի նվազագույն շեմը:
Ընդհանուր առմամբ, իմպրեսիոնիստների եւ ժամանակակից նկարիչների աշխատանքներից ունեցած ակնկալիքները չարդարացան, գրում է Reuters-ը: Sotheby`s-ը շուրջ 75 միլիոն ֆունտ է ստացել, լոտերից շատերը վաճառվել են նախնական արժեքով:
