Հայտնի հոլիվուդյան դերասան Քեւին Քոսթների հարեւան Ռիք Գրիմը նրա դեմ 650 հազար դոլարի հայց է ներկայացրել:
Հայցվորը պնդում է, որ Սանտա Բարբարայում իր տան դիմաց գեղեցիկ տեսարան էր բացվում դեպի ծովափ, բայց Քեւին Քոսթները, ով, նրա խոսքով, «տառապում է պարայոյայով», իր այգում բարձր ծառեր է տնկել:
Քոսթների հարեւանը փորձել է խնդիրը լուծել խաղաղ ճանապարհով, դերասանին նամակներ գրելով եւ խնդրելով վերացնել իր այգու ծառերը, բայց Քոսթներն ի պատասխան էլ ավելի բարձր ծառեր է տնկել իր այգում:
Ինչպես հաղորդում է Life News-ը, հայցվորը պահանջում է կտրել ծառերը եւ բարոյական վնասի համար իրեն 650 հազար դոլարի փոխհատուցում վճարել:
