Էկվադորի դեսպանությունում քաղաքական ապաստան խնդրած Ջուլիան Ասանժը նորից կարող է կալանքի տակ հայտնվել գրավի դիմաց ազատության մեջ գտնվելու պայմանները խախտելու համար: Այդ մասին հայտարարել է բրիտանական Սքոթլենդ Յարդը:
Ըստ դատարանի որոշման` Ասանժը պետք է ամեն օր երեկոյան 10-ից մինչեւ առավոտյան 8-ը գտնվեր Նյուֆոլքի իր ընկերոջ տանը, սակայն հունիսի 19-ին Ասանժը եկել էր էկվադորյան դեսպանատուն եւ մնացել այնտեղ` դրանով խախտելով օրենքը:
Այնուամենայնիվ, դեռեւս նրան չեն կարող ձերբակալել, քանի որ դեսպանության տարածքը համարվում է Էկվադորի տարածք, հայտնում է NEWSru.com-ը:
Ասանժն Էկվադորին դիմել է մի քանի պատճառներով: Էկվադորյան իշխանությունները բարդ հարաբերություններ ունեն ԱՄՆ-ի հետ:
2010 թվականին Էկվադորի ղեկավարության որոշ ներկայացուցիչներ Ասանժին առաջարկել են հովանավորել նրան, երբ նա ձերբակալված է եղել Լոնդոնում:
