Հայ հեղափոխական դաշնակցության վերջին օրերին արտահայտած դիրքորոշումներն ու քաղաքական գնահատականները սկսել են խիստ նյարդայնացնել ՀՀԿ-ին: Այդ մասին գրում է «Չորրորդ ինքնիշխանություն» թերթը:
«Բացի այս, ՀՀԿ վերնախավում լուրջ մտահոգություն կա, որ ՀՅԴ-ն 2013 թվականի նախագահական ընտրություններին ընդառաջ` չի պատրաստվում պայմանավորվածություններ ձեռք բերել Սերժ Սարգսյանի հետ, քանի որ առաջադրելու է սեփական թեկնածուն: Եվ քանի դեռ դաշնակցության ներսում գցում-բռնում են, թե հին ընկերներից ով կարող է «քաշել» նախագահականի լուծը, զուգահեռաբար ՀՀԿ-ն մարզերում աշխատանքներ է տանում դաշնակցականների հետ: Մասնավորապես Արագածոտնում ու Սյունիքում, ազդեցիկ ՀՀԿ-ականների ձեռքերով փորձ է արվում «վերբովկա» անել դաշնակցական ծագումով գյուղապետներին»,- գրում է «Չորրորդ ինքնիշխանությունը»:
