Տուապսեի քաղաքային դատարանը բնապահպան-ակտիվիստներ Սուրեն Ղազարյանին եւ Եվգենի Վետիշկոյին երեք տարվա պայմանական ազատազրկման է դատապարտել: Հենց նման պատիժ էր պահանջում դատախազը:
Նրանք մեղավոր էին ճանաչվել Սեւ ծովի ափին Կրասնոդարի երկրամասի նահանգապետ Ալեքսանդր Տկաչեւի ամառանոցի ցանկապատին դիտավորյալ վնաս հասցնելու մեջ: Պաշտպանությունը մտադիր է բողոքարկել դատավճիռը, «Ազատություն» ռադիոյի հետ հարցազրույցում հաղորդել է փաստաբան Մարինա Դուբրովինան: Սուրեն Ղազարյանը եւ Եվգենի Վետիշկոն քրեական հետապնդումը պայմանավորում են իրենց քաղաքացիական ակտիվությամբ:
