Google համացանցային հսկան հայտարարել է անհետացող լեզուների փրկության գործում իր ավանդը ներդնելու մտադրության մասին:
Գիտնական-լեզվաբանների հետ համագործակցությամբ Google-ը ստեղծում է Անհետացող լեզուների պահպանման նախագծի կայքը:
Կայքի այցելուները կարող են օգտվել տեղեկատվական պաշարներից եւ ինքնուրույն տեղեկություններ լրացնել այն լեզուների ու բարբառների մասին, որոնք կարող են անհետանալ տեսանելի ապագայում:
Կայքի հեղինակներն ասում են, որ արդեն սկսել են այն նյութերով համալրելը, որոնք ներառում են XVIII դարի ձեռագրեր եւ ժամանակակից ուսումնական ձեռնարկներ ու գիտահանրամատչելի հոդվածներ, հաղորդում է «Ազատություն» ռադիոն:
Ըստ գիտնականների` այժմ գործող 7 հազար լեզուներից դարավերջին «կենդանի կմնան» միայն կեսը: