ՄԱԿ-ի կողմից Ռիո դե Ժանեյրոյում կազմակերպված Ռիո-20 գագաթնաժողովի բացումից հետո Թուրքիայի վարչապետ Ռեջեփ Թայիփ Էրդողանը հանդիպել է Ֆրանսիայի նախագահ Ֆրանսուա Օլանդի հետ:

Թուրքական Star-ի փոխանցմամբ` մոտ 30 րոպե տեւած հանդիպման ժամանակ կողմերը խոսել են երկկողմ հարաբերություններում նոր էջ բացելու անհրաժեշտության մասին, քննարկել Սիրիայում ստեղծված իրավիճակը:

Էրդողանը Ֆրանսիայի նախագահին հրավիրել է Թուրքիա, ինչին ի պատասխան, Ֆրանսուա Օլանդը հայտնել է, թե հրավերին դրական է նայում: