Ուկրաինան, որը 2013թ. նախագահելու է ԵԱՀԿ-ն, մտադիր է այդ տարածքում ձգձգվող հակամարտությունների կարգավորմանը նոր լիցք հաղորդել: Այդ մասին նշել է Ուկրաինայի ԱԳ նախարար Կոնստանդին Գրիշչենկոն` Վիեննայում ներկայացնելով 2013թ. նախագահության բարեփոխումների ծրագիրը:
Ինչպես ասվում է Ուկրաինայի ԱԳ նախարարության հաղորդագրությունում, Գրիշչենկոն հատկապես ընդգծել է Ուկրաինայի կառավարության` ԵԱՀԿ տարածքում ձգձգվող հակամարտությունների, այդ թվում` Մերձդնեստրյան, կարգավորմանը նոր լիցք հաղորդելու ձգտումը:
Նախարարը բոլոր մասնակից պետություններին կոչ է արել կառուցողական երկխոսություն սկսել` եվրոպական անվտանգության հարցը կարգավորելու համար:
Ռազմաքաղաքական բնագավառում Ուկրաինան կաջակցի ջանքերին, որոնք ուղղված են Եվրոպայում սովորական սպառազինության գործող կարգը վերականգնելուն, զանգվածային ոչնչացման զենք պահելուն եւ ռազմական շրջանում վստահության ամրապնդմանը: