Ադրբեջանի եւ Ռուսաստանի միջեւ շարունակվում են բանակցութունները Գաբալայի ՌԼԿ-ի վարձակալության ժամկետի երկարաձգման վերաբերյալ: Այս մասին լրագրողներին հայտարարել է Ադրբեջանի նախագահի աշխատակազմի քաղաքական վերլուծության եւ տեղեկատվական ապահովման բաժնի վարիչ Էլնուր Ասլանովը:
«Կարծում եմ, որ Ադրբեջանի արտգործնախարարությունը եւ համապատասխան գերատեսչությունները կհայտնեն իրենց դիրքորոշումը այս հարցի վերաբերյալ:Ադրբեջանը բազմիցս հայտնել է իր դիրքորոշումը Գաբալայի ՌԼԿ-ի վերաբերյալ, եւ առաջ քաշված առաջարկությունները արտացոլում են Ադրբեջանի այսօրվա սոցիալ-տնտեսական զարգացումը, իսկ առաջարկված թվերը համապատասխանում են այսօրվա իրականությանը», - ասել է նա, հաղորդում են ադրբեջանական լրատվամիջոցները:
Այսօր բանակցությունները Ադրբեջանի եւ Ռուսաստանի միջեւ Գաբալայի ՌԼԿ-ի վարձակալության ժամկետի երկարաձգման վերաբերյալ շարունակվում են, եւ պետք է սպասել, թե ինչպիսի արդյունք կլինի, ասաց Ասլանովը` հավելելով, որ Ադրբեջանը հանդիսանում է այսպիսի հարցերը փակ դռների հետեւում քննարկելու կողմնակից:
Նա նշեց, որ չի քննարկվում Ռուսաստանի հրաժարումը ՌԼԿ-ի օգտագործումից կամ էլ կայանի փոխանցումը մեկ ուրիշ երկրի հետ համատեղ օգտագործման համար: