Եգիպտոսի նախկին նախագահ Հոսնի Մուբարաքի առողջությունը նորից վատթարացել է: Նա եւս մեկ նոպա է ունեցել, հաղորդում են եգիպտական լրատվամիջոցները:
Ավելի վաղ հաղորդվել էր, թե կաթվածի կասկածանքով Մուբարաքը բանտից տեղափոխվել է զինվորական հոսպիտալ: Այնուհետեւ տեղական ԶԼՄ-ները հաղորդել էին, թե Մուբարաքը կլինիկական մահ է տանում, սակայն հետո այդ լուրերը հերքվել էին:
Նախկին նախագահի առողջական վիճակի մասին տեղեկությունները խիստ հակասական են: Պաշտոնական հայտարարություն Եգիպտոսի իշխանությունների կողմից չի եղել: