Կառավարությանը մեղադրում են, թե գործունեության ծրագրում ներառված են «համեստ ու քիչ ցուցանիշներ»: Այդ մասին այսօր` հունիսի 25-ին, ասել է ՀՀ Ազգային Ժողովի ֆինանսավարկային եւ բյուջետային հարցերի հանձնաժողովի նախագահ Գագիկ Մինասյանը:
Նրա խոսքով` կառավարության հիմնական գերակայությունը ներքին ռեսուրսների վրա հիմնված տնտեսական աճի ապահովումն է, քանի որ միջազգային ֆինանսական շուկաներում պահպանվում են անորոշությունները:
«Կառավարությունը կաջակցի տնտեսության 11 ճյուղերի, որոնք զարգացման առավել մեծ պոտենցիալ ունեն: Ցավոք` առկա են ստվերային երեւույթներ, գերիշխող դիրքի դրսեւորումներ, որոնք կարող են վտանգել կառավարության ծրագրի կատարումը»,- ասաց Գ. Մինասյանը:
