Բաթումիի կենտրոնում թուրքական ազդեցության ընդլայնման դեմ նախազգուշական ակցիա է տեղի ունեցել: Այն կազմակերպել են «Քարթուլի դասի», «Ազատ Վրաստան» եւ Դեմոկրատական շարժման ակտիվիստները:
«Աջարիան պետք է մաքրվի այն հակավրացական ուժերից, որոնք փորձում են Բաթումիում Ազիզեի մզկիթը կառուցել», - հայտարարել է «Քարթուլի դասի»-ի առաջնորդ Ջոնդի Բագատուրիան, հաղորդում է «Գռուզիա օնլայնը»:
Ըստ «Ազատ Վրաստան»-ի առաջնորդ Կախի Կուկավայի հայտարարության` Աջարիայում թուրքական ազդեցության մեծացում է տեղի ունենում:
Ընդդիմության առաջնորդները հանրությանը կոչ են արել եւս մեկ անգամ հավաքվել հունիսի 30-ին ժամը 19-ին` հերոս յունկերների գերեզմանների մոտ, որպեսզի ստիպեն իշխանություններն հրաժարվել մզկիթի կառուցումից:
Մեկ օր առաջ Ջոնդի Բագատուրիան խորհրդարանի նիստին հայտարարել էր, որ վերջին երկու տարիներին Վրաստանի իշխանությունները քաղաքացիություն են տրամադրել Աջարիայում ապրող արդեն 25 հազար թուրքերի: Ըստ նրա` դա գիտակցորեն է արվել, քանի որ այդ մարդիկ ի նշան շնորհակալության խորհրդարանական ընտրություններին կքվեարկեն իշխող` «Միասնական ազգային շարժում» կուսակցության օգտին:
«Այդ ծայրահեղական ուժերը կարող են ընտրությունների միջոցով հասնել Թուրքիայում իշխանության, որից հետո կկրկնվի այն, ինչ Աբխազիայում եւ Հարավային Օսիայում», - նախազգուշացրել է Բագատուրիան, նշելով, որ Թուրքիայում ծայրահեղականները հայտարարում են, որ իբր Աջարիան թուրքական տարածք է եղել` զավթված Վրաստանի կողմից 100 տարի առաջ:
Ինչպես նշում է «ՎԶԳԼՅԱԴ» թերթը, պատգամավորի ճառը բացատրվում է տարբեր պատճառներով` Թուրքիայի փորձերից ուժեղացնել հոգեւոր տարածումն Աջարիայում մինչեւ այն հաղորդագրությունները, որ ինքնավարությունը պարզապես վերածվում է սեքս-հանգստյան գոտու թուրքերի համար: