Սեւծովյան տնտեսական համագործակցության կազմակերպության գագաթաժողովում Հայաստանի պատվիրակությունը կգլխավորի փոխարտգործնախարար Աշոտ Հովակիմյանը: Այդ մասին NEWS.am-ի թղթակցին հաղորդել է Հայաստանի ԱԳՆ մամլո քարտուղար Տիգրան Բալայանը:
ՍԾՏՀ հոբելյանական գագաթաժողովը պետությունների ղեկավարների մակարդակով տեղի կունենա հունիսի 26-ին Ստամբուլում:
Կազմակերպությունն ստեղծվել է 1992թ. հունիսի 25-ին, եւ այս տարի նշվում է 20-ամյա հոբելյանը:
ՍԾՏՀ-ի հիմնական նպատակը Սուծովյան տարածաշրջանի կայուն եւ խաղաղ զարգացումն է եւ անդամ-երկրների միջեւ տնտեսական եւ առեւտրային հաջող կապերի հարթեցումը: