ԵԽԽՎ Իրավական եւ Մարդու իրավունքների հանձնաժողովում այս պահին ընթանում է քննարկում` պատգամավոր Քրիստոֆ Շտրասսերի զեկույցի վերաբերյալ, որը վերնագրված է «Ադրբեջանում քաղաքական բանտարկյալների առկայությունը»: Այս մասին NEWS.am-ի թղթակցի հետ զրույցում ասաց ԵԽԽՎ-ում Հայաստանի պատվիրակության անդամ Նաիրա Զոհրաբյանը:
Նա նշեց, որ ադրբեջանական պատվիրակությունը աշխատել է ողջ կազմով ներկա լինել Իրավական եւ Մարդու իրավունքների հարցերի հանձնաժողովում: Ելույթ է ունեցել ադրբեջանական պատվիրակության ղեկավարը եւ իրենց անհամաձայնությունը եւ բողոքը հայտնել այդ զեկուցյի վերաբերյալ:
«40 րոպեից հանձնաժողովում կավարտվի այդ զեկույցի քննարկումը եւ ես հույս ունեմ, որ հանձնաժողովը կողմ կքվեարկի, որ այդ զեկույցը արդեն սեպտեմբերին` աշնանային նստաշրջանում քննարկվի լիագումար նիստում»,- նշեց Նաիրա Զոհրաբյանը: