Հայաստանում առաջին անգամ ստեղծվել է Կրկեսային գործիչների հայկական միջազգային միություն: Այս մասին, այսօր՝ հունիսի 29-ին, լրագրողների հետ հանդիպման ժամանակ ասաց «Երեւանյան կրկես» մշակութային կենտրոնի գեղարվեստական ղեկավար, կրկեսային գործիչների միության ղեկավար Սոս Պետրոսյանը:
Նա նշեց, որ նման միություն ստեղծելու գաղափարն առաջացել է այն ժամանակ, երբ շրջում էր տարբեր երկրներում եւ կրկեսի աշխարհասփյուռ հայ մասնագետները խնդրում էին միավորել իրենց մեկ միության մեջ:
Կրկեսային գործիչների միությունը կունենա կանոնադրություն, կմշակի ծրագիր: Միության առաջին գործը կլինի 2013թ արդեն վերանորոգված կրկեսի բացման արարողությանը պատրաստվելը, կնախապատրաստվեն 2014թ Լեոնիդ Ենիգիբարյանի անվան կրկեսային մրցույթ կազմակերպելուն:
Միությանը կարող են անդամակցել կրկեսի ասպարեզում ներգրավված հայերը՝ աշխարհի բոլոր անկյուններից: «Միությունը խթան կհանդիսանա կրկեսային արվեստի զարգացմանը»,- ասաց նա:
Սոս Պետրոսյանը նշեց, որ համատեղ աշխատանքը կնպաստի հայկական կրկեսի վերակենդանացմանը, թւոյլ կտա վերստին պահանջված լինել համաշխարհային մասշտաբով եւ կաշխուժացնի Երեւանի կրկեսի համագործակվությունը աշխարհի այլ կրկեսյաին թտարոնների հետ:
Կրկեսային գործիչների միությունը կունենա երկու մանսաճյուողում, Մոսկվայում մասնաճյուղի ղեկավարը կլինի ԽՍՀՄ ժողովրդական արտիստ Միխայել Բաղդասարովը, իսկ Ֆրանկֆուրտի մասնաճյուղը կղեկավարի իր որդին, ով ընտանիքով այնտեղ է ապրում:
