Սիրիայի նախագահ Բաշար Ասադը արտաքին ուժերին մեղադրել է ինչպես խաղաղ ցույցերը, այնպես էլ զինված դիմադրությունը ֆինանսավորելու համար, եւ Սիրիայի ճգնաժամի պատասխանատուն անվանել նրանց:
Թուրքական Cumhuriyet թերթը հուլիսի 5-ին հրապարակել է սիրիական առաջնորդի հարցազրույցի մեկ երրորդ մասը:.
«Այո, մենք սխալներ գործել ենք, մենք էլ ենք մարդ: Սակայն դրսի միջամտությունը Սիրիային շատ ավելի լուրջ վնաս հասցրեց, կան կառավարության սխալները», - ասել է նա:
Ըստ Ասադի` արեւմտյան երկրները եւ մի շարք տարաշածրջանային խաղացողներ փորձել եւ փորձում են Սիրիայում եռաստիճան ծրագիր իրականացնել: «Առաջին հերթին, նրանք խաղաղ ցույցեր կազմակերպեցին, սկզբում յուրաքանչյուր մասնակից 10 դոլար էր ստանում, իսկ այժմ` 50: Ցանկանում էին ժողովրդին զանգվածային ապստամբության դուրս բերել, ինչպես Թունիսում կամ Եգիպտոսում, սակայն դա նրանց չհաջողվեց: Այնուհետեւ նրանք սկսեցին զինել ապստամբներին եւ փորձեցին ստեղծել «ազատագրված օջախներ ստեղծել Լիբիայի Բենգազիի օրինակով, սակայն մեր բանակը դա թույլ չտվեց»:
«Այժմ նրանք երրորդ փուլի իրականացման են ձեռնամուխ եղել. մահապարտների օգտագործումը, պետական շենքերի պայթեցումները, խաղաղ բնակիչների սպանությունները եւ առեւանգումները», - ավելացրել է Ասադը, մեջբերում է ՎԶԳԼՅԱԴ-ը:
Սիրիական պետության առաջնորդը զուգահեռ է անցկացրել իրանական Փեհլեւի շահի հետ: «Հիշո՞ւմ եք իրանական Փեհլեւի շահին:
Նա ուներ հզոր բանակ, լավ հարաբերություններ համաշխարհային գերտերությունների հետ: Սակայն կարո՞ղ էր նա ընդդիմանալ ժողովրդին: Ոչ: Եթե իմ թիկունքին կանգնած չլիներ սիրիական ժողովուրդը, ես եւս չէի դիմանա»:
Ինչպես ավելի վաղ հայտնել էր NEWS.am-ը, Ասադը ցավակցություն էր հայտնել թուրքական կործանիչի ոչնչացման կապակցությամբ, եւ վստահեցրել, որ թույլ չի տա Թուրքիայի եւ Սիրիայի հարաբերությունների վատացումը:
Հուլիսի 4-ին հրապարակված Ասադի խոսքում վերջինս Թուրքիային կոչ էր արել չխառնվել Սիրիայի ներքին գործերին:
