Ֆրանսիայի Ռոն Ալպի շրջանային պատգամավոր Հիլդա Չոբոյանը խիստ կասկածում է, որ Ֆրանիսայի նախագահ Ֆրանսուա Օլանդի եւ Ֆրանսիայի հայկական կազմակերպությունների համակարգող խորհրդի համանախագահ Մուրադ Փափազյանի միջեւ կայացած հեռախոսացրույցի մասին տեղեկատվությունը համապատասխանում է իրականությանը: Իր կասկածների մասին Չոբոյանը հայտնեց NEWS.am-ի թղթակցի հետ զրույցում:
«Ինձ թվում է, որ այդ տեղեկությունը կամ չի համապատասխանում իրականությունը, կամ ուռճացված է: Ֆրանիսիայի հայ համայնքը եւ հայերը, ընդհանուր առմամբ, ավելի շատ զայրացած են Ֆրանսիայի ԱԳ նախարար Լորան Ֆաբիուսի հայտարարության առնչությամբ, նրանց մոտ որոշակի հարցադրումներ են առաջացել հայկական հարցի վերաբերյալ ֆրանսիական քաղաքականության մասով: Այդ հոսանքի տակ ամեն ինչ հնարավոր է»,-նշեց Չոբոյանը:Նրա խոսքով` տվյալ իրավիճակում չի կարելի հիմնվել միայն Մուրադ Փափազյանի մերկապարանոց հայտարարությունների վրա, քանի որ մի շարք գործոններ կասկածի տակ են դնում նրա ասածների իսկությունը: «Ֆանսուա Օլանդը հիմա այն կարգավիճակում չէ, որ անձամբ զանգի ինչր-որ մեկին հեռախոսով` լինի դա Փափազյանը, թե այլ մեկը, եւ տա այս կամ այն հավաստիացումը, սա առաջինը: Երկրորդ` եթե նախագահը պետք է նման խոստում տա, ապա նա դա կտա հայերին, ոչ թե Ֆրանսիայի հայկական կազմակերպությունների համակարգող խորհրդի համանախագահին: Եվ, վերջապես, նման հավաստիացումներ պետք է տրվեն պաշտոնապես, ոչ թե չապացուցվող հեռախոսազանգի միջոցով»,-նկատեց պատագամավորը` ընդգծելով, որ այս եւ մի շարք հանգամանքներ ստիպում են մտածել, որ նման զրույց պարզապես չի եղել:Հիլդա Չոբոյանը չբացառեց, որ զրույցի մասին տեղեկությունները կարող են ոչ թե բացահյատ կեղծ լինել, այլ պարզապես ուռճացված . «Հնարավոր է, Օլանդի հեռավոր ուղեծրից որեւէ մեկը Փափազյանի կամ նրա մերձավորների հետ մասնավոր զրույցում նման բան է ակնարկել, որից հետո լուն ուղտ է դարձել: Ամեն դեպքում, պետք է սպասել: Կապրենք` կտեսնենք»,-եզրափակել է զրուցակիցը:
Ինչպես ավելի վաղ NEWS.am-ը հայտնել էր, Ֆրանսիայի ԱԳ նախարար Լորան Ֆաբիանը, հուլիսի 5-ին, իր թուրք գործընկեր Դավութօղլուի հետ հանդիպումից հետո, մամուլի ասուլիսում հայտարարել էր, որ Ֆրանսիայում Հայոց ցեղասպանության ժխտումը քրեականացնող նոր օրինագիծ չի լինի: «Անհնար է նույն ուղիով քայլել, հակառակ դեպքում արդյունքը նույնը կլինի»,-հայտարարել էր Ֆաբիուսը:Դրանից հետո, Ֆրանսիայի հայկական կազմակերպությունների համակարգող խորհրդի համանախագահ Մուրադ Փափազյանը Facebook-ի իր էջում գրել էր, որ Ֆրանսիայի նախագահ Ֆրանսուա Օլանդը հուլիսի 7-ին զանգահարել է իրեն եւ ասել, թե Հայոց ցեղասպանության ժխտումը քրեականացնող օրինագիծը կդրվի քվեարկության: Նա հաստատել է, որ չի հրաժարվում իր ոչ մի խոստումից, հավելելով, որ հուլիսին պաշտոնապես կընդունի հայերին: