Չարեցավանում, հուլիսի 8-ի գիշերը կրծքավանդակի մասում կտրող-ծակող գործիքից ստացած վերքով Չարենցավանի բժշկական կենտրոնում մահացել է 27-ամյա Վարդան Վարդանյանը:Այս մասին NEWS.am-ը տեղեկացավ ՀՀ ոստիկանության Չարենցավանի բաժնից:
Փաստի առթիվ հարուցվել է քրեական գործ ՀՀ քրեական օրենսգրքի 112 հոդվածի 2-րդ մասի 14-րդ կետի հատկանիշներով` դիտավորությամբ առողջությանը ծանր վնաս պատճառելը, որն անզգուշությամբ առաջացրել է մահ:
Հանգամանքները պարզվում են եւ աշխատանքներ են տարվում մեղավորին հայտնաբերելու ուղղությամբ: Նախաքննության գաղտնիությունից ելնելով, մանրամասները չեն հաղորդվում: Ի դեպ, տարբեր աստիճանի մարմնական վնասվածքներով հիվանդանոց են տեղափոխվել նաեւ Չարենցավանի բնակիչներ՝ Գրիշա եւ Վահե Կոստանդյանները:
Հարկ է նկատել, որ Չարենցավանում տարածված խոսակցությունների համաձայն միջադեպը տեղի է ունեցել ծննդյան արարողությունից հետո, իսկ որպես դանակահարող շրջանառվում է Ռոբերտ Գալստյանի անունը: