Ֆրանսիայում հուլիսի 14-ին նշվում է գլխավոր ազգային տոնը` Բաստիլի գրավման օրը:
Բաստիլի գրավումը համարվում է Ֆրանսիական մեծ հեղափոխության սկիզբը: Ամրոցի վրա գրոհը ընկալվում է որպես ֆրանսիական ազգի միասնության եւ համաձայնության խորհրդանիշ:
Տոնակատարությունների պաշտոնական ծրագիրը մեկնարկում է հուլիսի 13-ից: Այսօր զինվորական շքերթ է անցկացվում Ելիսեյան դաշտերում: Տոնակատարությունները, որպես կանոն, ավարտվում են Էյֆելյան աշտարակի մոտ եւ Մարսյան դաշտերում շքեղ հրավառությամբ, հաղորդում է «Ռոսիյսկայա գազետան»:
Հուլիսի 14 –ին տարբեր երկրնեում Ֆրանսիայի դեսպանատներում հանդիսավոր ընդունելություններ են կազմակերպվում:
