Անհայտ անձինք այս գիշեր սպանել են Ռուսաստանի Ռոստովի մարզի Մյասնիկովի շրջանային դատարանի նախագահին: Այդ մասին «ՌԻԱ Նովոստի»-ին հայտնել է քննչական կոմիտեի ներկայացուցիչ Վալերի Չեկրիշեւը:
«Գիշերը ժամը 3:10-ի սահմաններում չորս դիմակավորված անձինք հարձակվել են շրջանային դատարանի նախագահի վրա, նրա տան մերձակայքում»,- ասել է նա:
Դատավորին տեղափոխել են հիվանդանոց, որտեղ էլ նա մահացել է առավոտյան ժամը 7-ի սահմաններում:
Դատարանի կայքում զետեղված տեղեկատվության համաձայն, դատարանի նախագահը Սամվել Գրիգորի Մանուկյանն է: Դատարանից հրաժարվել են մեկնաբանություններ անել: