Եթե «Բարգավաճ Հայաստանը», Հայ ազգային կոնգրեսը եւ Հայ հեղափոխական դաշնակցությունը որոշեն միավորվել 2013 թվականի նախագահական ընտրությունների ժամանակ, ապա հնարավոր է, որ նրանք միասնական թեկնածու առաջադրեն եւ նա, տեսականորեն, կարող է դառնալ երկրորդ նախագահ Ռոբերտ Քոչարյանը: Այս մասին, NEWS.am-ի թղթակցի հետ զրույցում հայտարարել է քաղաքագետ Ալեքսանդր Մարկարովը` մեկնաբանելով ՀԱԿ-ի նախկին անդամ, «Համաձայնություն» քաղաքական հետազոտական կենտրոնի ղեկավար Դավիթ Շահնազարյանի հայտարարությունն այն մասին, որ այդ երեք քաղաքական ուժերը Հայաստանում առաջ են մղում «քոչարյանիզմի» ինստիտուտը:
«Քաղաքական ուժերի միավորումը հաշվարկ է, այդ բառի լավ իմաստով: Խոսքն այն մասին է, թե որքանով այս դեպքում կուժեղանան քաղաքական ուժերի դիրքերը այս համագործակցության արդյունքում: Բայց սա այն դեպքում, եթե ելնենք այն դրույթից, որ ՀԱԿ-ն ու ԲՀԿ-ն իսկապես համատեղ են գործում` այս կամ այն առաջնորդի դիրքերն առաջ մղելու հարցում»,-ասել է Մարկարովը:
«Այստեղ ծագում է հետեւյալ հարցը. որքանո՞վ են այդ քաղաքական ուժերի առաջնորդները պատրաստ համագործակցել միմյանց հետ: Եթե այդ մասով պայմանավորվել չհաջողվի, ավտոմատ ծագում է կողքից առաջնորդ որոնելու հարցը»,-նշել է Մարկարովը, ընդգծելով, որ, որ խոսքը ոչ թե վարձկանի, այլ` դաշնակցի մասին է:
Միաժամանակ, քաղաքագետը կասկած է հայտնել, որ ԲՀԿ-ին ՀԱԿ-ին ու ՀՅԴ-ին կհաջողվի պայմանավորվել Քոչարյանի հարցում:
«Այսօր ԲՀԿ-ն դեռեւս չի հայտնել իր դիրքորոշումը առաջիկա նախագահական ընտրությունների վերաբերյալ: Դա կարվի մոտ ժամանակներս` ընտրությունների նախաշեմին քաղաքական լարվածության հերթական աճի շրջանակներում: ԲՀԿ-ն 4 տարբերակ ունի. առաջարկել սեփական թեկնածուին, միավորվել այլ ուժերի հետ եւ հանդես գալ միասնական թեկնածուով, համաձայնության գալ իշխող ՀՀԿ-ի հետ` սեփական թեկնածու չառաչադրելու շուրջ եւ աջակցել ՀՀԿ թեկնածուին:
Անկախ ԲՀԿ-ի ընտրությունից, կարելի է կանխատեսել իրավիճակի հետագա զարգացումը»,-ասել է քաղաքագետը:
Ավելի վաղ NEWS.am-ը հայտնել է, որ ՀԱԿ-ի նախկին անդամ, «Համաձայնություն» քաղաքական հետազոտական կենտրոնի ղեկավար Դավիթ Շահնազարյանը հարցազրույց է տվել «Ժամանակ» թերթին, որտեղ հայտարարել է, որ «ԲՀԿ, ՀԱԿ եւ ՀՅԴ եռյակը«քոչարյանիզմի» հիմնական ինստիտուտն է Հայաստանում: Հարցազրույցին մանրամասնորեն կարող եք ծանոթանալ ԱՅՍՏԵՂ: