ԱՄՆ-ում առաջիկայում կմեկնարկի Սուրբ Կարապետ եկեղեցու շինարարությունը, հաղորդում է «Asbarez»-ը:
Հուլիսի 18 –ին Մուշեղ արքեպիսկոպոս Մարտիրոսյանը Լաս Վեգասում հանդիպում է ունեցել հայկական եկեղեցու հոգեւոր հովիվ Ավետիս Թորոսյանի, հոգեւոր խորհրդի նախագահ Ադրուշան Արմենյանի եւ այլոց հետ:
Ինչպես հայտնել է շինարարական կոմիտեն, ներկայումս եկեղեցու կառուցման համար բոլոր թույլտվություններն ստացված են, եւ նախատեսվում է, որ աշխատանքները կսկսվեն օգոստոսին: Նախագծի ավարտն ակնկալվում է 2013 թ. մայիսին:
Անցած տարվա հովվապետական այցի ժամանակ Մեծի Տանն Կիլիկիո Արամ Ա կաթողիկոսն օծել էր եկեղեցու հիմքն ու խաչը:
