Հայաստանի նախագահ Սերժ Սարգսյանն, այսօր` հուլիսի 26-ին, աշխատանքային այցով մեկնել է Մեծ Բրիտանիայի եւ Հյուսիսային Իռլանդիայի միացյալ թագավորություն:
Նախագահի մամուլի գրասենյակից NEWS.am-ին հայտնում են, որ հուլիսի 27-ին Սերժ Սարգսյանը ներկա կգտնվի Լոնդոնի 2012թ. օլիմպիական խաղերի բացման հանդիսավոր արարողությանը: Սերժ Սարգսյանը նույն օրը կմասնակցի նաեւ Նորին մեծություն թագուհի Եղիսաբեթ երկրորդի անունից տրվող ընդունելությանը:
Աշխատանքային այցի շրջանակում Հանրապետության նախագահը Միացյալ թագավորության մայրաքաղաքում կմասնակցի Բրիտանահայ համայնքային եւ եկեղեցական խորհրդի եւ «Հայաստան» համահայկական հիմնադրամի Միացյալ թագավորության գրասենյակի կողմից կազմակերպվելիք ընդունելություններին: