Ադրբեջանի արտգործնախարար Էլմար Մամեդյարովը հուլիսի 30-ին կայցելի Փարիզ: Նրան կընդունի Ֆրանսիայի արտգործնախարար Լորան Ֆաբիուսը` արտասահմանում Ֆրանսիայի քաղաքացիների գործերով նախարար-պատվիրակ Էլեն Կոնվեյ Մուրեի ներկայությամբ:
Ինչպես հայտնում է Ֆրանսիայի արտգործնախարարության կայքը, նախարարները կքննարկեն Ֆրանսիայի եւ Ադրբեջանի միջեւ «վստահելի քաղաքական հարաբերությունները» եւ տնտեսական կապերը: Նրանք նաեւ կամփոփեն ԵԱՀԿ Մինսկի խմբի շրջանակներում ղարաբաղյան հիմնախնդրի խաղաղ կարգավորման ընթացիկ բանակցությունների արդյունքները, որտեղ Ֆրանսիան Ռուսաստանի եւ ԱՄՆ-ի հետ միասին համանախագահող երկիր է: