Լատվիական Յուրմալա քաղաքում ավարտվել է փոփ երաժշտության երիտասարդ կատարողների 11-րդ միջազգային «Նոր ալիք-2012» մրցույթը: Հայաստանի ներկայացուցիչ Սուրեն Առուստամյանն առաջատարների եռյակում չի հայտնվել:
Գլխավոր մրցանակը` 50 հազար եվրոն, հասել է մրցույթի հաղթող, ռուսաստանցի երգչուհի, Niloo-ին:
30 հազար եվրոն ստացել է Իտալիայից Կոնստանցո դել Պինտոն, որը երկրորդ տեղն է զբաղեցրել: 20 հազար եվրոն ստացել է երրորդ տեղն զբաղեցրած Ուկրաինայի մասնակցուհի Մարիա Յարեմչուկը: Նրան նաեւ հանձնել են երաժշտական տեսահոլովակի նկարահանման սերտիֆիկատ «Մեգաֆոնից» եւ երգի ռոտացիա «ՄՈՒԶ TV» հեռուստաալիքում:
Մրցույթի մյուս մասնաիցներն էլ չեն մնացել առանց պարգեների: Ռուսաստանը ներկայացնող «IOWA» խումբն ստացել է հատուկ մրցանակ «Love radio»-ից:
Երրորդ մրցութային օրը Սուրեն Առուստամյանը կատարել էր Բրենդոն Սթոունի Next to you երգը: Հիշեցնենք, որ առաջին երկու մրցութային օրերի արդյունքներով նա 8-րդn էր:
Այս տարի մասնակցել են 14 երկրներից 16 կատարողներ: Մրցույթի շրջանակում ելույթ են ունեցել տասնյակ ռուս եւ արտասահմանյան աստղեր:
