Հայաստանի Արտակարգ իրավիճակների նախարարությունում հուլիսի 31-ին կայացել է երկրորդ խորհրդակցությունը՝ նվիրված ԱԻՆ Սեյսմիկ պաշտպանության ծառայության եւ սեյսմիկ ռիսկի նվազեցման բնագավառին առնչվող մի շարք կազմակերպությունների միջեւ համագործակցության հաստատման եւ ընդլայման խնդիրներին:
ԱԻՆ լրատվական ծառայությունից հայտնում են, որ խորհրդակցությանը մասնակցել են ՀՀ ԱԻՆ աշխատակազմի «Սեյսմիկ պաշտպանության ծառայություն» գործակալության եւ համակարգի ՊՈԱԿ-ների ղեկավարներ, ՀՀ ԳԱԱ Երկրաբանական գիտությունների ինստիտուտի եւ «Գեոռիսկ» ՓԲ գիտահետազոտական ընկերության (Գեոռիսկ) տնօրենները, Հայկական սեյսմոլոգիայի եւ Երկրի ֆիզիկայի ասոցիացիայի նախագահը, ինչպես նաեւ այլ առաջատար մասնագետներ:
Խորհրդակցությունն անցել է գործնական, բարեկամական մթնոլորտում: Ստորագրվել են Փոխըմբռնման հուշագրեր ՀՀ ԱԻՆ «Սեյսմիկ պաշտպանության ծառայության» գործակալության եւ հանդիպմանը ներկա վերոնշյալ կազմակերպությունների միջեւ:
Քննարկվել է կատարվելիք աշխատանքների թեմատիկ պլանը, որը կլրամշակվի եւ կընդունվի հաջորդ հանդիպման ժամանակ:
