Տղամարդիկ եւ կանայք իրենց ուշադրությունը տարբեր բաների վրա են կենտրոնացնում եւ նրանց տարբեր բաներ են գրավում, նշվում է Հարավային Կալիֆոռնիայի համալսարանի գիտնականների հետազոտության մեջ:
Դոկտոր Լորեն Իթին եւ Ջոն Շենը 34 մարդու վարքագիծ են ուսումնասիրել: Կամավորներին առաջարկվել է հարցազրույցի տեսագրություն դիտել: Ընդ որում, հարցազրույց տվող անձանց ետին պլանում անցել են մեքենաներ, հեծանիվներ` կամավորների ուշադրությունը շեղելու համար, փոխանցում է Meddaily-ին:
Պարզվել է, որ երբ տղամադիկ են դիտում հարցազրույցը, նրանց հայացքը սեւեռված է խոսողի շրթունքների վրա: Ընդ որում, նրանց նկատելիորեն գրավել է նաեւ խոսողի ետեւում շարժը: Իսկ կանայք ահա հայացը կենտրոնացրել են խոսողի մարմնի վրա, եւ միայն շեղվել այն դեպքում, երբ կադրում ուրիշ մարդ է հայտնվել:
