Հայոց ցեղասպանության մասին Քրիս Բոհջալյանի «Ավազե դղյակի աղջիկները» գիրքը ԱՄՆ-ի բեսթսելլերների շարքում առաջատարներից է: Ինչպես հիշեցնում է «Armenian Weekly» թերթը, գրքի շնորհանդեսից հետո անցել է մեկ շաբաթից մի փոքր ավելի:
Օգոստոսի 2-ին լույս է տեսել գրքի նաեւ բրիտանական հրատարակությունը: Սեւ տիտղոսաթերթին պատկերված է գրքից հատված. «Ինչպես կարող է մահանալ մեկուկես միլիոն մարդ առանց որեւէ մեկի գիտության: Դուք սպանում եք նրանց անհայտության մեջ»:
Գիրքը գտնվում է բեսթսելլերների ցանկի 7-րդ տեղում` հրապարակված «New York Times» թերթի օգոստոսի 5-ի տպագիր տարբերակում:
Ինչպես ավելի վաղ հայտնել էր «The Washington Post» թերթը, Բոհջալյանի գիրքը ԱՄՆ-ի մայրաքաղաքի բեսթսելլերների ցանկում դարձել է 4-րդը: