Վերջին շրջանում շանտաժ անելու միջոցով գումար կորզելն ու սեռական հարաբերություն պահանջելը շատ տարածված են: NEWS.am-ի տեղեկություններով, նման բողոք է ներկայացրել իրավապահներին Երեւանի 27-ամյա մի բնակչուհի: Վերջինից իր նախկին ընկերը պահանջել է սեռական հարաբերություններ ունենալ, սակայն երբ աղջիկը հրաժարվել է, նա դիմել է շանտաժի մեթոդին:
Աղջկան սպառնացել է, թե ինքը իր հետ նախկինում ունեցած սեռական հարաբերությունները նկարահանել է եւ եթե տուրք չտա իր պահանջներին, դրանք կտեղադրի համացանցում:
Նախկին ընկերուհին էլ ընկերոջ շանտաժներին չի ենթարկվել, տեղի ունեցածի մասին ահազանգել է իրավապահներին: Մեր տեղեկություններով` երիտասարդին դեռ չեն հայտնաբերել:
