Ընդդիմադիր Սիրիական ազատ բանակը (ՍԱՀ) հայտարարել է, որ իր մարտիկները ռուս գեներալի են սպանել, որը Սիրիայում աշխատում էր իբրեւ պաշտպանության նախարարի եւ երկրի գլխավոր շտաբի պետի խորհրդական: Այդ մասին տեղեկացնում է «Ալ Արաբիա» հեռուստաալիքը:
ՍԱՀ-ից հայտնել են, որ գեներալի, որի անունը Վլադիմիր Պետրովիչ Կոջաիվ (Kojaiv) է կամ Կոջայ (Kojai), եւ նրա թարգմանիչ Ահմեդ Այիկի սպանությունը ցույց է տալիս Ռուսաստանի ներքաշվածությունը հակամարտությանը, գրում է gazeta.ru-ն:
«Ալ Արաբիայի» կայքում տեղադրված է սպանված գեներալի անձը հաստատող փաստաթուղթը: