Ազգային ավիափոխադրող «Արմավիա» ընկերությունը Հայաստանի կառավարության հետ համատեղ օգոստոսի 9-ից նախատեսում է իրականացնել չվերթներ սիրիահայ երեխաներին Հայաստան տեղափոխելու նպատակով :Այն իրականացվում է սփյուռքի նախարարության ծրագրի շրջանակներում:
«Արմավիա» ընկերության լրատվական ծառայությունից հայտնում են, որ ըստ նախատեսվածի օգոստոսի 9-ից կիրականացվի հատուկ չվերթներ Երևան-Դամասկոս –Երևան և Երևան-Հալեպ-Երևան ուղղություններով: Առաջին հատուկ չվերթը Երևան-Դամասկոս –Երևան ուղղությամբ նախատեսվում է իրականացնել օգոստոսի 9-ին առավօտյան ժամը 8:00-ին:Զվարթնոց օդակայանօդանավը ըստ նախատեսվածի կժամանի 12:50-ին: Երևան-Դամասկոս –Երևան օգոստոսի 23-ի չվերթը նախատեսվում է իրականացնել նույն ժամերին:
Հիշեցնենք, որ այսօր օգոստոսի 8-ին իրականացվելու է Երևան-Հալեպ-Երևան լրացուցիչ չվերթը: Նախնական տվյալներով Հայաստան կժամանի 105 ուղեւոր:
