News
Լրահոս
News
Երեքշաբթի
Դեկտեմբեր 06
Տեսնել լրահոսը

Թուրքիայի գիտության, արդյունաբերության եւ տեխնոլոգիայի նախարար Նիհաթ Էրգյունը գլխավորապես քրդերով բնակեցված Դիարբեքիրում հանդիպել է տեղի նահանգապետի, իշխող «Արդարություն եւ զարգացում» կուսակցության պատգամավորների, տեղի ՀԿ-ների ներկայացուցիչների եւ գործարարների հետ:

Ինչպես տեղեկացնում է թուրքական Anadolu գործակալությունը, Նիհաթ Էրգյունն իր ելույթում խոսել է «հայրենիք» հասկացությունից՝ նշելով, թե հայրենիքը գեղեցկացնողը ոչ թե նրանում առկա բնական գեղեցկություններն են, այլ՝ այնտեղ ապրող մարդիկ:

«Այս հողերում մենք կանք, դուք կաք: Այս հողերում կա մեր եւ ձեր ճակատի քրտինքը, արցունքը եւ արյունը: Դրա համար այն արժեքավոր է: Էդիռնեյից մինչեւ Հաքքարի շատ բան կա: Այդ ամենը բոլորի հայրենիքն է:

Այս երկրի դրոշը վերցված է մեր բոլորի թափած արյան գույնից: Նայեցի եւ տեսա, որ նահատակներ կան Դիարբեքիրից, Էդիռնեից, Էրզրումից: Նահատակները մահմեդականներ եւ քրիստոնյաներ են: Մեր հայ քաղաքացիների արյունն էլ թափվել այս հողերի համար: Նրանց արյան գույնն էլ կա մեր դրոշի վրա»,-ասել է թուրք նախարարը:

!
Այս նյութը հասանելի է նաև   English and Русский
Տպել
Ամենաշատ
Partner news