News
Լրահոս
News
Հինգշաբթի
Մարտ 28
Տեսնել լրահոսը

Պերսեիդների երկնաքարային հոսքը, որն իր առավելագույն ակտիվությանը կհասնի օգոստոսի 12-ին, լավ տեսանելի կլինի Հայաստանում: Այդ հոսքը ուժեղների շարքն է դասվում եւ կդիտվի ամենուրեք: Այդ մասին  NEWS.am-ի թղթակցին հայտնել է Բյուրականի աստղադիտարանի տնօրեն Հայկ Հարությունյանը:

Նրա խոսքով` Պերսեիդայի հոսքը, որն այդպես է անվանվել Պերսեւսի համաստեղության կողմից հայտնվելու պատճառով, սկսվում է հունիսի 17-ից եւ շարունակվում մինչեւ օգոստոսի 24-ը: օգոստոսի 12-ին դրա գագաթնակետն է: Երկնաքարերի շարժման արագությունը կհասնի 59 կմ/վրկ-ի:

Ըստ նրա, անգամ Երեւանի գիշերային լուսավորության պայմաններում տեսանելի կլինեն պսպղացող երկնաքարերը, բայց ավելի լավ է դրանց հետեւել քաղաքային կրակներից հեռու:

Ինչպես հայտնել էր  NEWS.am-ը, Պերսեիդայի երկնաքարային հոսքն օգոստոսի 12-ին առավելագույն ակտիվության կհասնի: Այդ օրը երկնքում հնարավոր կլինի տեսնել ժամում  մինչեւ  100 ընկնող աստղ: Պերսեիդան  Սվիֆթ Տուլի գիսավորի հետքն է: Երկիրն ամեն տարի մոտնում է այդ հոսքին, ինչը թույլ է տալիս հետեւել երկնաքարային անձրեւին:

!
Այս նյութը հասանելի է նաև   Русский
Տպել
Ամենաշատ