Ներկայումս ԼՂՀ իշխանությունները սիրիահայերից որեւէ դիմում չեն ստացել ԼՂՀ տարածքում բնակվելու հարցում աջակցության համար: Այս մասին NEWS.am-ին ասաց ԼՂՀ նախագահի մամուլի քարտուղար Դավիթ Բաբայանը:
«Այդուամենայնիվ, մենք պատաստ ենք դիմելու դեպքում աջակցություն ցուցաբերել մեր սիրիացի հայրենակիցներին»,- ասաց Դավիթ Բաբայանը:
Նշենք, որ Սիրիայում ապրում է 50-60 հազ. հայ: Ռազմական գործողությունների սկզբից ի վեր նրանց մի մասը տեղափոխվել է հարեւան երկրներ, ինչպես նաեւ Հայաստան: Որոշ կանխատեսումներով` հայերի հոսքը ժամանակավոր բնույթ է կրում, եւ ռազմական գործողություններից հետո նրանք կվերադառնան Սիրիա:
