Հավաքական անվտանգության պայմանագրի կազմակերպության երկրները աղետների համատեղ արձագանքման համակարգ կստեղծեն: Այս մասին Մինսկում լրագրողներին հայտնել է ՀԱՊԿ-ի գլխավոր քարտուղար Նիկոլայ Բորդյուժան:
«Մեր նպատակն է ԱԻՆ-ների մակարդակով իրականացվող համագործակցությունը ՀԱՊԿ-ի գործունեության շրջանակներում ամենաարդյունավետ ուղղությունը դարձնել»,-ասել է Բորդյուժան:
Նրա խոսքով, այս տարվա դեկտեմբերին ՀԱՊԿ-ի անդամ երկրների նախագահներին կներկայացվի աղետների համատեղ արձագանքման ծրագիր, փոխանցում է ՌԻԱ Նովոստին:
Հավաքական անվտանգության պայմանագրի կազմակերպությունը ստեղծվել է հավաքական անվտանգության պայմանագրի հիման վրա, որը ստորագրվել է 1992 թ-ի մայիսի 15-ին ԱՊՀ երկրների կողմից:
ՀԱՊԿ Խորհրդի հերթական նիստը տեղի կունենա դեկտեմբերին:
ՀԱՊԿ-ի կազմի մեջ հունիսին Ուզբեկստանի անդամակցության դադարեցումից հետո մտնում են Հայաստանը, Բելառուսը, Ղազախստանը, Ղրղզստանը, Ռուսաստանը եւ Տաջիկստանը:
