Դամասկոսի Բաբ Շարկղի թաղամասում օգոստոսի 18-ի առավոտյան հայկական գերեզմանատան մոտակայքում կառավարական զորքերի եւ ընդդիմադիր զինյալների միջեւ բախումների ժամանակ վիրավորվել է 38-ամյա Արսեն Ղշփոլադյանը: Հիվանդանոց տեղափոխելուց հետո, սակայն, բժիշկներին չի հաջողվել փրկել նրա կյանքը: «Արմենպրեսի» փոխանցմամբ, զոհվածը քաղաքացիական անձ է:
Աղբյուրի փոխանցմամբ, երկու օր առաջ ռումբի պայթյունի հետեւանքով ծանր վիրավորված Մեսրոպ Չինչինյանի վիճակը վիրահատությունից հետո կայուն է:
