Երեւանում օգոստոսի 27-30-ը կանցկացվի «Սուպերսիմետրիաները ինտեգրվող համակարգերում» միջազգային գիտաժողովը, որին կմասնակցեն գիտնականներ Ճապոնիայից, Կորեայից, Ռուսաստանից, Գերմանիայից, Մեծ Բրիտանիայից, Ֆրանսիայից, Մոլդովայից, Իտալիայից, ԱՄՆ-ից, Բրազիլիայից, Իրանից, Մարոկկոյից, Ուկրաինայից եւ Հունաստանից: Գիտաժողովի ընթացքում կներկայացվեն գիտանականների աշխատանքները տեսական ֆիզիկայի ոլորտում եւ վերջին տարիների գիտական ձեռքբերումները:
Սկզբում գիտաժողովը, որը ղեկավարվում էր ԵՊՀ ֆիզիկայի ֆակուլտետի տեսական ֆիզիկայի ամբիոնի դոկտոր Արմեն Ներսիսյանի եւ Հարվարդի համալսարանի պրոֆեսոր Օլաֆ Լեխտենֆելդի կողմից, ֆինանսավորվում էր հայ-գերմանական համատեղ «Volkswagen Stiftung» հիմնադրամի շրջանակում: Ներկայիս գիտաժողովը տարբերվում է նրանով, որ նրա շրջանակում կանցկացվի տեսական ֆիզիկայի տարածաշրջանային ցանցային նախագծի նստաշրջան, որը ղեկավարվում է ԵՊՀ-ի եւ ֆինասավորվում ՅՈՒՆԵՍԿՕ-ին կից Ֆիզիկայի միջազգային կենտրոնի կողմից (ICTP): Դրան մասնակցում են Հայաստանը, Իրանը, Թուրքիան եւ Մարոկկոն:
